ՎԱՐԴԱՆ ԱՃԵՄՅԱՆ

Հայ մեծ ռեժիսոր, ՀԽՍՀ և ԽՍՀՄ ժողովրդական արտիստ, Սոցիալիստական աշխատանքի հերոս, Պետական մրցանակների դափնեկիր Վարդան Աճեմյանը 1930–70-ական թվականների հայ բեմադրական արվեստի ամենանշանավոր ներկայացուցիչներից է:

Լինելով բազմակողմանի և բացառիկ օժտվածության տեր արվեստագետ, նա նաև նկարում էր։ Վարդան Աճեմյանի ծննդյան 115-ամյակը ԲԱԿ-ը նշում է նրա «Ժպիտներ, ընկերական շարժերի» հավաքածուի ցուցադրությամբ։ 

Վարդան Աճեմյանը ծնվել է Վանում: Սովորել է Երևանի Գեղարվեստի ուսումնարանում, այնուհետև ընդունվել Մոսկվայի դրամատիկական ստուդիա: 

Վարդան Աճեմյանն եղել է Թիֆլիսի հայ դրամատիկական ստուդիայի ղեկավարը, Գյումրու Դրամատիկական թատրոնի հիմնադիրներից մեկը: Վարդան Աճեմյանը 1930-ական թվականների վերջին եկել է Երևանի Առաջին պետթատրոն: Այստեղ կատարել է մի շարք բեմադրություններ, ինչպես նաև նկարչական ձևավորումներ: Նրա բոլոր ներկայացումները ստեղծվել են պատկերավոր, հավաստի, ճշմարիտ լուծումներով, ինքնատիպ մտածողությամբ:

ՄՐՑԱՆԱԿՆԵՐ

  • 1970թ. ՀՍՍՀ պետական մրցանակ
  • Լենինի շքանշան

We use cookies to ensure that we give you the best experience on our website. You may delete and block all cookies from us, but certain parts of the site may not work properly.