ԱՐՍԵՆ ՇԱԲԱՆՅԱՆ

(1864 – 1949)

Արսեն Շաբանյանը հայ ու եվրոպական ծովանկարչության երևելի դեմքերից է: Ծնվել է Արևմտյան Հայաստանի Կարին գավառի Սունինց գյուղում։

Նախնական կրթությունը ստացել է Կարինում, այնուհետև Մուրադ Ռափայելյան վարժարանում: Այստեղ ավարտելով կրթությունը 1883 թ. վերադարձել է ծննդավայր: 1890 թվականին մեկնել է Թեոդոսիա, ծանոթացել ծովանկարիչ Հովհաննես Այվազովսկու հետ և վերջինիս խորհրդով մեկնել Փարիզ: Հաճախել է Ժյուլիանի ակադեմիա՝ աշակերտելով Գ. Մորոյին, Ժ. Պ. Լորանսին և Բ. Կոնստանին։ 

Շաբանյանն օգտագործում էր նկարչական տեխնիկայի տարբեր միջոցներ, հիմնականում՝ յուղանկար և պաստել: Նրա ստեղծագործություններն առաջին հերթին բաղկացած էին ծովանկարներից, ծաղկանկարներից և երբեմն էլ՝ նատյուրմորտներից: Մերթընդմերթ ժանտաջրով (օֆորտ) գունավոր փորագրություններ էր կատարում:

Նրա վարպետությունն ամենից ավելի փայլուն կերպով  ի հայտ էր գալիս ծովանկարներում և մասնավորապես լուսնի լույսով դիտված ծովի տեսարաններում: Նկարչական լույսի այդ առանձնահատկությունը գալիս էր իմպրեսիոնիստական տեխնիկայի ճիշտ հասկացողությունից, որը Շաբանյանը յուրացրել էր ու վարպետորեն կիրառել:

Առաջին անգամ Արսեն Շաբանյանի աշխատանքները ցուցադրվել են 1894 թվականին Փարիզում:

Շաբանյանի ծովանկարներին բնորոշ է բանաստեղծականությունը, խոհականությունը։​ Շաբանյանն եղել է Ֆրանսիայի ծովանկարիչների և գունավոր փորագրության նկարիչների ընկերությունների հիմնադիրներից և հայ արվեստագետների «Անի» ընկերության անդամ։

ՄՐՑԱՆԱԿՆԵՐ

  • 1926թ. Ֆրանսիայի Պատվո լեգեոնի շքանշան

​Շաբանյանի աշխատանքները Հայաստանում տեղ են գտել Ազգային պատկերասրահում, Էջմիածնի Վեհարանի թանգարանում, մասնավոր հավաքածուներում, ինչպես նաև Բոյաջյան Արվեստների Կենտրոնում: 

Soir doré près Sanary | Յուղաներկ, կտավ | oil on canvas | 60×45 cm
Յուղաներկ, կտավ | oil on canvas | 71.5×48.5 cm
Յուղաներկ, կտավ | oil on canvas | 46×55 cm

We use cookies to ensure that we give you the best experience on our website. You may delete and block all cookies from us, but certain parts of the site may not work properly.