Վայր, ուր հոգում են Հայ մշակույթի մասին

Ապրիլի 8-ից Բոյաջյան Արվեստների Կենտրոնում, Հայկական Գրաֆիկայի Թանգարանի շրջանակներում բացվել է «ԺԱՆՍԵՄ 100 + 1։ Մի հետաձգված ցուցահանդես»-ը։

Ցուցահանդեսը, նվիրված ֆրանսահայ նկարիչ Ժան Ժանսեմի (Հովհաննես Սեմերջյան) 100 ամյա հոբելյանին, նախատեսված էր դեռևս 2020 թվականի ապրիլին։

Ցավոք սրտի համաշխարհային համավարակը և դրա հետ կապված սահմանափակումները անհնարին դարձրեցին ցուցահանդեսի բացումը 2020 թվականին։

Այսօր, ուղիղ մեկ տարի անց, Բոյաջյան Արվեստների Կենտրոնը կրկին բացում է իր դռները և հայ արվեստասեր հասարակությանն է ներկայացնում այդ ցուցահանդեսը՝ «ԺԱՆՍԵՄ, 100+1։ Մի հետածգված ցուցահանդես» խորագրով։

Ցուցահանդեսին կներկայացվեն մեծ արվեստագետի 127 աշխատանք` 116 գործ, ընտրված Հայկական Գրաֆիկայի Թանգարանի սեփական եզակի հավաքածուից և 11 գործ Ժամանակակից Արվեստի Թանգարանի պահոցներից։

Ցուցահանդեսը բաց է ամեն օր, ժամը 10։30-ին մինչև 19։00 և կգործի մինչև մայիսի 16-ը։

Բարի գալուստ։

Իմանալ ավելին

Հիմնվելով Վարդգես Բոյաջյանի և իր ընտանիքի հավաքածուի հիմնական էքսպոզիցիայի վրա՝  ԲԱԿ-ի շրջանակում ստեղծվել է առաջին և աշխարհում առայժմ միակ Հայկական Գրաֆիկական Արվեստի Թանգարանը:

Հավաքածուն ընդգրկում է Էդգար Շահինի, Ժան Գառզուի, Ժան Ժանսեմի, Ֆելիքս Եղիազարյանի, Մուշեղ Աբեղյանի և 20-րդ դարի հայ այլ մեծ արվեստագետների գրաֆիկական եզակի աշխատանքներն ու արվեստի գործերը։